فرهنگی

اوْلو تانرينين آديلا

       اَوّلده غربي آذربايجان بولگَه سينين حكمرانلارينين و زحمت كش خالقيميزين ، ايستي سلاملاريني سيز يولداش ، قارداش ، مسلمان و تورك ديلداشلاريميزا ، كي توركيه مَمْلَه كَتيندن ماكو شهرينه آياخ قويوبسوز ، چاتْديراراق. ديله گيميز بودور كي بوگونگي يئغينجاق،هر ايكيميزين اُولكه سي اُوچون اُوغورلو اولوب و چوجوقولاريميزين گَله جَكْ نائلييتلَرينه قول چَكسين. بوتون قوناقلارا دَرين مينّت دارليغيميزي بيلديرركَن ، ماكو شهرينده اُويْرَنجي اُولان "خسرو حسنعلي زاده" نين «دوسلاريميز» اينوانيندا اولان شعريني ، سيز حورمتلي اينسالارين خاطرينا چاتْديريرام.

«دوسلاريميز»

شَنليك اِئت اي هم وطن ، يولدان يِتيردي ياريميز

قويدو بو مولكه قدم ، راغب اولان دوسلاريميز

سُويلوروخ خوش گلديمي ، بيز جان و ديلدن سيزلره

چون اَزه ل گوندن اولوبسوز سيز بيزيم همكاريميز

قلب اگر سِوسَه بيرين ، سَرحدّين اولماز معناسي

حورمت اِتمك دوسلارا ، اولموش بيزيم اشعاريميز

گَر ياغار فصلي گليب ، سالساز سَمايه بير نظر

گورسه نَر ياغمور ياغيش ، هم داغلار اوسته قاريميز

تورك اِئلي هر يِئرده اولسا ، چوخ سِئوَرميش دُوزلوغي

اُوْل سَببدن دونيادا ، شهرت تاپيب ايلقاريميز